वणीतील कणकवाडी परिसरा मधील ती रहिवासी आहे. अलीकडेच इटलीत आयोजित करण्यात आलेल्या चित्रकला स्पर्धेत तिच्या चित्राला तिसऱ्या क्रमांकाच पारितोषिक मिळालं. इटलीच्या इंटरनॅशनल एक्स लिब्रिस कॉन्टेस्ट, लायब्ररी ऑफ बाडिओ लोमनागोमध्ये आयोजित इंटरनॅशनल प्रिंट मेकिंग स्पर्धेत न्यू यंग आर्टिस्ट कॅटेगरीतून तिने हे यश संपादन केले, पहिला पुरस्कार चीनच्या झेंग चँग याला, तर द्वितीय पुरस्कार पोलंडच्या डॉमनिक डोमानिका बोरवस्का याला जाहीर झाला आहे.

अगदी बालवयापासून पूनमला चित्राच वेड. वणीच्या लोकमान्य टिळक महाविद्यालयातून बीएप्रथम वर्षाला शिकत असतानाच तिने चंद्रपूर जिल्ह्यातील नवरगाव येथील ज्ञानेश कला महाविद्यालयात कला शिक्षक पदविकेसाठी प्रवेश घेतला. नाटयवंत चित्रकार कलावंत असलेले सदानंद बोरकर हे या महाविद्यालयाचे प्राचार्य आहेत त्यांच्याच तालमीत प्राध्यपक अतुल कामडी, प्रा. श्वेता पोइनकर, लक्ष्मीकांत लेंझे यांच्या मार्गदर्शनाखाली तिने चित्रकलेचे धडे गिरवले. शिक्षण पूर्ण झाल्यानं पूनम आता वणीत परतली आहे. आपल्या हातून उत्तम चित्रकार निर्माण व्हावेत, असे तिला वाटते आणि आपल्या यशाचे श्रेय ती आई - वडील व पती प्रज्योत वासाडे यांना देते.