➡ वणी : करोना आजाराच्या पार्श्वभूमीवर वणी तालुक्यातील भालर ग्रामपंचायतीने स्वतःला क्वॉरंटाइन केले आहे. युवा एकता बहुउद्देशीय ग्रामीण विकास संस्थेच्या विशेष सहभागातून गावातून बाहेर जाणारे सर्व रस्ते बांबूचा अडथळा घालून बंद केले आहे. गावाचे मुख्य प्रवेशद्वार बंद करण्यात आले असून तेथे ग्रामस्थ खडा पहारा ठेऊन आहे बाहेरच्यांना संपूर्ण गावबंदी जाहीर केली आहे. आतून बाहेर आणि आणि बाहेरून आत कोणालाही प्रवेश दिला जाणार नाही.