देशी दारूच्या 205 बाटल्या अंदाजे किंमत 20500 रूपयांचा मुद्देमाल जप्त...!!

प्रतिनिधी/ सचिन मेश्राम (मारेगाव)

मारेगांव- तालुक्यात अवैधरीत्या दारू विक्री होत असलेल्या ठिकाणी गदाजी बोरी येथे पोलिसांनी धाड टाकून विस हजार पाचेशे रुपयांची देशी दारु जप्त केली असून एका आरोपी विरोधात गुन्हा दाखल केला आहे. त्यांच्या ताब्यातुन देशी दारूच्या 205 बाटल्या जप्त केल्या असून आरोपीला अटक केली.

मारेगांव तालुक्यातील गदाजी बोरी येथील होळीच्या पर्वावर नागरिकांची होणारी मोठी गर्दी पाहता या दिवशी गांवात देशी दारु विकण्यासाठी ही दारू दडवून ठेवण्यात आली होती ही अवैध दारू असल्याची माहिती पोलीस निरीक्षक जगदीश मंडळवार यांना मिळाली. या माहितीवरून पोलीस जमादार भालचंद्र मांडवकर यांनी सोमवार दिनांक 9 रोजी सायंकाळी सहा वाजता धाड टाकली. धाडीच्या ठिकाणी पाच बॉक्स देशी दारूच्या बाटल्या आढळून आल्या. परंतु अवैध देशी दारू विक्रेता कुंदन जानबाजी नान्हे याला अटक करुन देशी दारूच्या 205 बाटल्या त्याचे अंदाजे किंमत 20500 हजार रूपयाचा मुद्देमाल जप्त करून मारेगांव पोलीस ठाण्यात गुन्हा 65(ई)कलमे नुसार गुन्हा दाखल करण्यात आला आहे. पुढील तपास बिट जमदार भालचंद्र मांडवकर करीत आहेत.