सातत्याने शस्त्रसंधीचे उल्लंघन करणाऱ्या पाकिस्तानला भारतीय सैन्याने चांगलाच धडा शिकवला आहे. भारतीय सैन्यातील वरिष्ठ अधिकाऱ्यांनी या संदर्भात इशारे सुद्धा दिले होते.

पाकिस्तानकडून सातत्याने गोळीबार सुरु होता. त्यामुळे भारतीय सैन्याने कुपवाडा सेक्टरच्या विरुद्ध दिशेला असलेल्या पाकिस्तानी सैन्याच्या चौक्या रणगाडाविरोधी क्षेपणास्त्र आणि तोफगोळे डागून उद्धवस्त केल्या.

जम्मू-काश्मीरमध्ये घुसखोरांना घुसवण्यासाठी पाकिस्तानकडून सातत्याने शस्त्रसंधीचे उल्लंघन सुरु होते. त्याला भारतीय सैन्याने दिलेले हे जोरदार प्रत्युत्तर आहे. भारतीय सैन्याने या कारवाईचा व्हिडीओ पोस्ट केला असून, त्यामध्ये पाकिस्तानी सैन्याच्या चौक्या उद्धवस्त झाल्याचे दिसत आहे.