corona update ८ Nov.

तालुक्यात आज कोरोनाचे दोन रुग्ण आढळल्याने एकूण पॉझिटिव्ह रुग्णांचा आकडा ८१८ वर पोहचला आहे. तर ऍक्टिव्ह पॉझिटिव्ह रुग्णांची संख्या ४६ झाली आहे. आज आणखी १० रुग्ण कोरोनातून पूर्णपणे बरे झाल्याने त्यांना सुटी देण्यात आली आहे. आता पर्यंत ७६९ रुग्ण कोरोनामुक्त होऊन घरी परतले आहेत.

तालुक्यात कोरोनाची लागण होण्याचे प्रमाण अतिशय कमी झाल्याने कोरोना रुग्णांची वाढती संख्याही नियंत्रणात आली आहे. आज पॉझिटिव्ह आलेले रुग्ण रॅपिड अँटीजेन चाचणीतून आले आहेत. आज १३ व्यक्तींची रॅपिड अँटीजेन टेस्ट करण्यात आली. त्यामध्ये दोन व्यक्तींचे रिपोर्ट पॉझिटिव्ह तर ११ व्यक्तींचे रिपोर्ट निगेटिव्ह आले आहेत. आज एकही तपासणी अहवाल प्राप्त झाला नसून आणखी नऊ व्यक्तींचे नमुने तपासणी करिता पाठविण्यात आल्याने ९० नमुन्यांचे अहवाल प्रलंबित झाले आहेत. आज दोन व्यक्तींचे कोरोना चाचणी अहवाल पॉझिटिव्ह आल्याने एकूण पॉझिटिव्ह रुग्णांची संख्या ८१८ झाली असून ७६९ रुग्ण कोरोनामुक्त झाले तर २० रुग्णांचा मृत्यू झाल्याने ऍक्टिव्ह पॉझिटिव्ह रुग्णांची संख्या ४६ झाली आहे. पॉझिटिव्ह रुग्णांपैकी २५ रुग्ण होम आयसोलेशनमध्ये, ११ रुग्ण कोविड केयर सेंटरमध्ये तर १० रुग्ण यवतमाळ शासकीय रुग्णालयात उपचार घेत आहेत.

आज पॉझिटिव्ह आलेल्या रुग्णांमध्ये भालर येथील एक तर लोकमान्य टिळक महाविद्यालयाच्या मागील एका व्यक्तीचा समावेश आहे. तालुक्यातून कोरोनाला हद्दपार करण्याकरिता प्रशासन शर्थीचे प्रयत्न करीत असून नागरिकांनीही सतर्कता बाळगण्याचे आव्हान प्रशासनातर्फे करण्यात आले आहे.