रेल्वे कर्मचाऱ्याची गळफास घेऊन आत्महत्या
सेंट्रल रेल्वेच्या वनी विभागात ट्रैक मेन या पदावर कार्यरत असलेल्या कर्मचार्याने किरायाच्या रुममधे सिलिंगला गळफास लाऊन आत्महत्या केल्याची घटना आज सकाळच्या सुमारास विट्ठलवाडी परिसरात उघडकिस आली आहे.
मुळचा उत्तर प्रदेश येथील रहिवासी असलेला दिपक मोर्या हा रेल्वे कर्मचारी तीन महिन्याच्या सुट्टीनंतर चार पाच दिवसांआधिच वनी येथे परतला असून त्याला होम क्वारंटईन ठेवण्यात आले होते. अंदाजे 26 ते 27 वर्षाचा असलेला हा कर्मचारी माजी नगरसेवक प्रकाश पिंपळ्कर यांच्या घरी किरायाने रहात होता. 14 दिवसानंतर तो कर्तव्यावर रुजू होणार होता. पण आज सकाळी त्याने घराच्या सिलिंगला गळफास घेऊन आत्महत्या केल्याने अनेक तर्कवितर्क लावल्या जात आहे. अत्यंत शांत व सुस्वभावी कर्मचारी म्हणून त्याची डीपार्टमेन्ट मध्ये ओळख होती.
