वणी शहरातील आणखी एका व्यक्तीचा कोरोना अहवाल पॉझिटिव्ह; रुग्ण संख्या झाली एकोणवीस!
प्रशांत चंदनखडे वणी :-
शहरात कोरोना बाधितांचा आकडा वाढतच असून आज आणखी एका वृध्द व्यक्तिचा कोरोना चाचणी अहवाल पॉझिटीव्ह आल्याने कोरोना बाधितांची संख्या 19 झाली आहे. प्रतिबंधक क्षेत्र सहा येथे सदर इसम वास्तव्यास असल्याचे समजते. त्याच्या सम्पर्कातील 21 व्यक्तीना कोविड सेंटर मध्ये हलविण्यात आले असून पॉझिटीव्ह व्यक्तीला पुढील उपचारा करिता यवतमाळ येथे पाठविण्यात आले आहे. एकामागून एक पॉझिटीव्ह रुग्ण आढळत असल्याने शहरात कोरोनचा विळखा घट्ट होतांना दिसत आहे. पॉझिटीव्ह व्यक्ती रहात असलेला तेली फैलातिल काही भाग सील करण्यात आला असून 27 व्यक्तीना होम क्वरंटाइन करण्यात आले आहे. सम्पर्कातील आणखी व्यक्तींचे लोकेशन ट्रेस करण्यात येत आहे. शहरात वाढत असलेल्या बाधितांच्या सन्खेमुळे नागरिक चांगलेच धास्तीत आले असून प्रशासनाचीही चिंता वाढतांना दिसत आहे.
