प्रतिनिधी प्रशांत चंदनखेडे :- एका युवकाने गळफास घेऊन आत्महत्या केल्याची घटना शास्त्री नगर येथे नुकतीच घडली आहे. येथील युसूफ रफिक शेख (२९) या युवकाने सायंकाळी ७ वाजता राहत्या घरी पाळण्याच्या दोरीने गळफास घेतल्याचे निदर्शनात येताच तेथील नागरिकांनी त्याला ग्रामीण रुग्णालयात नेले असता डॉक्टरांनी मृत घोषित केले. मृत युवक हा दारूचा आदी असून घटनेच्या दिवशी दुपारीही दारूच्या नशेतच असल्याचे परिसरातील नागरिकांनी सांगितले. त्याची पत्नी बाळंतपणासाठी माहेरी जाऊन असून तो आई बरोबर शास्त्रीनगर येथे राहत होता. छोट्या गाडीवर ड्राइवर असलेला हा युवक लॉकडाऊन लागल्यापासून खालीच असल्याचे समजते.