वणी :- सुरज चाटे
वीज पडून मोहदा येथील शेतमजुर ठार.....

शेतातून परत येताना काळाचा घाला :- एकीकडे कोरोना तर दुसरीकडे वरूनराजाचा रोना..

मोहदा सह परिसरात दिनांक 6 ला दुपारच्या दरम्यान झालेल्या अवकाळी पावसाने वादळवाऱ्यासह विजेचा कडकडाट झाला त्यात मोहदा येथील शेतमजूर सुरेश मडावी, अं 50 वर्ष हे वीज पडून जागीच ठार झाल्याची घटना घडली आहे.

मोहदा सह परिसरात अवकाळी पावसाने दिनांक 6 ला दुपारी हजेरी लावली परंतु विजेचा कडकडाट व गारपीठासह झालेला पाऊस शेतमजुराला जीवघेणा ठरला आहे सुरेश मडावी हे अं 50 वर्षीय शेतमजूर शेतात कामाकरिता रोजनदारीने गेले होते. शेतीचे कामे करून परत येत असताना अचानक लागलेल्या पावसाने व विजेच्या कडकडाटाने सुरू झालेल्या पावसामुळे ते निंबाच्या झाडाखाली थांबले परंतु अचानक तिथे वीज पडून काळाचा घाला झाला व सुरेश मडावी हे जागीच ठार झाले, त्यामुळे परिसरात सर्वत्र दुःखाचे सावट पसरले आहे. मृत सुरेश मडावी यांच्या मागे पत्नी, मुलगा, मुलगी व बराच मोठा आप्त परिवार आहे, त्यांच्या निधनाने परिसरात हळहळ व्यक्त होत आहे.