हरहुन्नरी कलाकार इरफान खान यांच्या शोकातून सावरत असलेल्या भारतीय सिनेसृष्टीवर गुरूवारी सकाळी काळानं आणखी एक आघात केला. आपल्या अभिनयानं भारतीय चित्रपट विश्वाला समृद्ध करणारे ज्येष्ठ अभिनेते ऋषी कपूर यांना काळानं हिरावून घेतलं. ऋषी कपूर यांचं मुंबईत निधन झाले. ते ६७ वर्षांचे होते. बुधवारी त्यांना मुंबईतील एच.एन. रिलायन्स रूग्णालयात दाखल करण्यात आले होतं. उपचारादरम्यान त्यांची प्राणज्योत मालवली. भारतीय सिनेमाला रोमँटिक चेहरा देणाऱ्या या कलावंताच्या जाण्यानं सर्वच जण हळहळले.