यवतमाळ : पुसद येथे रात्रगस्त करून परत येत असलेल्या यवतमाळ पोलीस मुख्यालयातील कर्मचाऱ्यांच्या व्हॅनला माहूर-आर्णी रोडवरील मांगूळ गावानजीक रात्री १ वाजता भंडाराहून नांदेडकडे पोहे घेऊन जाणाऱ्या आयशर ट्रकने जबर धडक दिली. या अपघातात पोलीस व्हॅनमधील तीन कर्मचारी गंभीर जखमी झाले. त्यांना उपचारार्थ यवतमाळच्या वसंतराव नाईक शासकीय वैद्यकीय महाविद्यालय व रुग्णालयात दाखल करण्यात आले. अपघातानंतर ट्रक चालक घटनास्थळावरून पसार झाला. त्याचा शोध घेतला जात आहे.